Rotary Club Aruba, ta conoci di ta un organisacion comprometi pa haci un impacto positivo ariba nos comunidad local ta anuncia cu nan a organisa e evento caminda a traspasa e liderazgo na un directiva nobo. E ocasion grandi aki a tuma luga na e Hilton Embassy Suits ballroom dia prome di juli, 2023, unda unda cu a conmemora e trayecto largo di e Rotary Club di Aruba di 85 aña di existencia.Bou di e guia di nos Presidente saliente, Shelby Maduro, Rotary Club di Aruba a sigui florece, dunando balor na e espirito di servicio cu pasion consistente. Durante su maneho Shelby a lidera iniciativanan di transformacion y asina ta marca su logronan di e club y tambe e impacto riba bida di hopi hende den comunidad di Aruba. Su dedicacion y compromiso excepcional a dun’e e honor di ricibi e Paul Harris reconexion, cu ta simbolisa su impacto profundo na e comunidad di Rotary.
Recordando e logronan remarcabel di e Rotary Club di Aruba, e Presidente nobo, Luis, a remarca: “Mi kier inicia cu bisa danki na tur miembronan di e Rotary Club di Aruba cu a yuda nos Club stima durante e casi 85 añanan cu a pasa y cu ainda ta haciendo esey. Aunke mi no tabata t’ey tur e añanan, mi ta convenci cu mi lo contribui y ta sinti e pasion pa yuda nos Club den su caminda pa crecemento continuo. Mi kier ta parti di e miembresia cu lo pasa over un club mas grandi pa e generacionnan di futuro.”
E evento di traspasa directiva no solamente a duna honor na e logronan di pasado pero tambe a sirbi pa un momento importante den e historia di e Club, dunando bon bini na Luis como e Presidente nobo. Luis ta un miembro dedica di e Rotary Club di Aruba, y e tin un compromiso profundo pa servicio cu un estilo visionario di liderazgo. Su presidencia ta priminti di yuda sigur na mas crecemento, mas colaboracion, y logra un impacto positivo a traves di iniciativanan pa comunidad.
E evento di traspasa directiva tabata un ceremonia elegante na unda a celebra e logronan di e directiva saliente bou presidencia di Shelby y tambe instalacion di e directiva nobo. Tur presente tabata tin e oportunidad pa testigua e cambio di e mandato, nificando e compromiso di e Rotary Club pa mantene su mision y balornan. Tur presente a duna pabien na e Directiva saliendo y e Directiva nobo.
“Nos ta invita tur hende pa participa den e celebracion aki y ta testigo di e transicion di Shelby su liderazgo pa mi presidencia”, Luis a bisa. “Hunto nos lo construi ariba e fundeshi fuerte poni dor di nos antepasadonan, y nos lo continua pa haci un impacto positivo y permanente den nos comunidad.” Hunto cu Rotary International nos lo crea speransa na mundo.
Rotary Club di Aruba ta un club local di Rotary International, cual ta un red global di individuonan dedica na servicio humanitario, cu stardardnan halto di etica, y fomentando bon boluntad y paz mundialmente. Desde e inicio di Rotary Club di Aruba na 1938, e Club semper tabata na vanguardia di servicio na comunidad, liderando proyecto- y iniciativanan cu impacto positivo na pa mehora e bida di e Arubanonan.
